Министерот за земјоделство, шумарство и водостопанство Љупчо Димовски денеска во Хидробиолошкиот завод во Охрид ќе учествува во акцијата за порибување на Охридското Езеро.

Со оваа акција во водите на езерото ќе се пуштат 200.000 единки ендемска охридска пастрмка, произведени и одгледани во инсталациите на Хидробиолошкиот завод во Охрид.

Министерот Димовски ќе присуствува и на акцијата за уништување на опремата за рибарење која во изминатиот период беше запленета од рибочуварската служба.